ინტერნეტსაზოგადოება საქართველოს მიერ ორგანიზებული კვლევის პრეზენტაციას სასტუმრო „ბილტმორმა“ 2024 წლის 9 ივნისს უმასპინძლა. კვლევა ინტერნეტ მომსახურების სფეროში მოქმედი იმ ნორმების ანალიზს შეეხო, რომლებიც ბავშვის უფლებათა კოდექსის 2020 წელს ამოქმედების შემდგომ, ამ კოდექსისა და სხვა კანონქვემდებარე აქტების შესაბამისად განსაზღვრავს როგორც კომუნიკაციების ეროვნული კომისიის, აგრეთვე, ინტერნეტ მომსახურების მიმწოდებლების უფლებამოსილებას.

მოხსენებაში ასევე მიმოიხილა საერთაშორისო საზოგადოების მიერ ონლაინ სივრცეში ბავშვთა უფლებების დასაცავად მიღებული მნიშვნელოვანი ზომები და დაინტერესებული პირებისათვის წარმოდგენილი რეკომენდაციები.

თამარ ჭელიძესთან ერთად, კვლევის პრეზენტაციაზე სიტყვით გამოვიდა ინტერნეტსაზოგადოება საქართველოს თავმჯდომარე, ქეთევან რეხვიაშვილი და ციფრული ტრანსფორმაციისა და

კიბერუსაფრთხოების მრჩეველი, ნიკა გაგნიძე.

კვლევის პრეზენტაციას სახალხო დამცველის აპარატის, პარლამენტის განათლების კომიტეტის, ტვ პირველის, ახალგაზრდა რეფორმატორთა ასოციაციის, USAID საჯარო მმართველობის პროგრამისა და სახელმწიფო უნივერსიტეტის წარმომადგენლები ესწრებოდნენ.